Atxilotu zutenetik bost hilabete igaro ondoren, Aitor Martinezen aurkako auzia bertan behera geratu da, epaileak ez duelako bere aurkako frogarik aurkitu.
Joan den apirilean Guardia Zibilak sarekada zabala egin zuen estatu osoan zehar, "Araña" izeneko operazioaren baitan, sare sozialetan "ETAren terrorismoa goratzea" egotzita. Hogeitabat izan ziren atxilotutako pertsonak, horietako hamabost Euskal Herrian, eta haien artean Aitor Martinez laudioarra.
Herritarren erantzuna berehalakoa izan zen, albistea berehala zabaldu zen sare sozialetan, sarekadaren izaera politikoa salatuz. Hainbat mobilizazio ere izan ziren atxilotutakoen herrietan.
Ikastera zihoala Bilboko Termibusean atxilotu zuten Martinez, handik Sansomendira -Gasteiz- eraman zuten, eta ordu batzuk igaro eta gero, aske utzi zuten egun berean, karguekin hala ere.
Epaiketa Entzutegi Nazionalaren esku egon arren, joan den irailean Amurrioko epaitegian deklaratzera deitu zuten, akusazioak zehaztu gabe egonik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
