Amurrioko epaitegian deklaratzera deitu dute Aitor Martinez

Erabiltzailearen aurpegia Etxaurren Martin Gordaliza 2014ko irailaren 17a

Bihar deklaratu beharko du Aitor Martinez laudioarrak Amurrioko Epaitegian. Terrorismoari gorazarre egitea leporatu zieten beste 20 sare sozialen erabiltzailerekin batera atxilotu zuen Guardia Zibilak Aitor Martinez, iragan apirilean. Entzutegi Nazionalak darama epaiketa, baina Martinez ez da Madrilera joan behar, baizik eta Amurrion egingo ditu deklarazioak. Dena dela, abokatuak ez daki interneten bidez egingo dioten galdeketa edo Madriletik hurbilduko den norbait.

Facebook eta Twitter-en aritzeagatik atxilotu zuten Aitor Martinezek ostegun honetan Entzutegi Nazionalean deklaratu behar du. Ez da Madrilera joan behar, baizik eta Amurrion egingo ditu deklarazioak, baina oraindik, abokatuak ez daki ea interneten bidez egingo dioten galdeketa edo Madriletik hurbilduko den norbait. Arrazoi berberagatik atxilotu zituzten gazte gehienak deklaratu egin dute jada, eta aitor azkenetarikoa da.

Esan bezala, ostegunean deklaratu egin behar du 11:30tan, erregu baten bidez agindu diotenez. Esan beharra dago, Aitorrek oraindik ez dakiela zer leporatzen dioten zehatz-mehatz, epaiketa instrukzio fasean egon arren, ez dizkiote akusazioak zehaztu. Ulertarazi egin diote osteguneko galdeketa ikertu ondoren zehaztuko dutela akusazioa.

Bere twitter kontuan (https://twitter.com/IrauliTaIrabazi) zer edo zer argitaratu egin du gazteak egun hauetan.

 

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide