EAJk argitara eman du aurrekontuen onarpenean Bildurekin sinatutako dokumentua. Dokumentu horretan bi alderdi politikoek aurrekontuen onarpenarekin hartutako zenbait konpromiso biltzen dira.
Apirilean onartu ziren 2014ko aurrekontuak: OMNIAk eta PPK aurka bozkatu zuten eta PSE-EE eta EAJ, berriz, abstenitu. Bildu izan zen aurrekontuen alde bozkatu zuen alderdi bakarra. Hala ere, jeltzaleek azaldu dute aurtengoa aurrekontuen onarpena ahalbidetzen duten hirugarren urtea dela; aipatutako konpromiso-dokumentua sinatuta, aurka bozkatu ordez abstenitu egin zirelako. Hala, alderdiko zinegotziek gogorarazi dute Ezker Abertzaleak “historikoki” ez duela inoiz halakorik egin, “boikotean oinarritutako politika” baliatu duelako, “bere erantzukizun politiko ezarekin eta eginbehar faltarekin”.
Ezkerreko argazkiaren azpian klikatutako irakurri daiteke konpromisoen dokumentua bere osotasunean.
Akordioaren betetzearekin, “erlatiboki pozik”
Akordio horretan jasotzen ziren konpromisoen betetzea “zuzena” izan da gobernu taldearen partetik, EAJren hitzetan, “hobetu ahalko litzatekeen arren”. “Erlatiboki pozik gaude”, adierazi du Mikel Lasa zinegotzi jeltzaleak. Hala ere, Lasak azpimarratu du gobernu taldeak ez duela hanka sartu, “ez duelako ezer egin”; eta gaineratu du lege-agintaldia “Laudioko historiako lauena” izan dela.