Hedabideek zabaldu dute Gasteizko Administrazioarekiko auzi-prozesu epaitegiak Natxo Urkixo Laudioko alkatea ohartarazi duela espainiar ikurraren kokapena dela eta.
Mónica Basurto epaileak adierazi dio Udalari espainiar ikurra Udaletxearen balkoian jarri behar duela. Agindua bete ezean epaileak jakinarazi dio Natxo Urkixori desobedientzia delitua egin eta ondorioz izuna jaso dezakeela.
Hau da alkatea pertsonalki ohartarazi duten lehen aldia espainiar ikurraren auziaren harira.
Helegitea aurkezteko aukera badu ere, epaileak hilabeteko epea eman dio Udalari ikurra balkoian jartzeko.
Azkenengo epai hori Carlos Urquijoren ekimena dela eta gauzatu da.
Espainiar ikurra udaletxean
2008an espainiar ikurra jartzeko agindua eman zion epaitegi batek Laudioko Udalari. Udalak ikurrina balkoitik kendu eta eraikinaren goiko partean jarri zituen espainiar ikurra eta ikurrina.
Irailaren 2an Gasteizko Administrazioarekiko auzi-prozesu epaitegiak balkoian ikusgai jartzeko behartu du Udala.
Udalaren erantzuna
Laudioko Udal taldeak sakonki hausnartuko du agindua eta eman dezakeen erantzuna eta ostiralean azalduko du bere jarrera, Bilduk ostiraletan egin ohi duen prentsaurrekoan.