Laudioko bi herritar erailak izan dira Laredon labankadaz. Igande arratsaldeko azken orduetan jazo da erasoa Laredoko hondartzan, 18:30ak aldera. Udaltzaingoak ustezko hiltzailea atxilotu du -M.I.R.- eta Bilbokoa da.
Laudioko herritarrak 42 urteko emakume bat -Mercedes García Baliño- eta bere aita -Gabino García García- 70 urtekoa dira. Emakumea lepoan zituen zaurien ondorioz berehala hil da. Epaileak 20:00etan berretsi du zendu dela. Bere aita Valdecillas ospitalean ere hil da, beranduago.
Laudioko Udalak Ertzaintzarekin jarri da harremanetan eta poliziak adierazi dio printzipioz ez dutela uste gertakariak harremanik duen genero indarkeriarekin, antza erasotzailea eta biktimek ez baitzuten elkar ezagutzen, Suezian bizi baitzen Mercedes García Baliño. Informazio horien harira ez da genero indarkeriaren aurkako protokolorik abiatuko.
Laredoko Udalak ez ohiko udal osoko bilkura eta elkarretaratzea egingo du gertakaria salatzeko gaur.
Laudioko Udalak gertatutakoa gaitzetsi du
Laudion, ordea, jaiak direla eta ordezkari guztiak ez daude. Hala ere, gaur goizean Udal Osoko Bilkuraren batzordea elkartu denez, gaia jorratu dute talde politiko guztiek eta bere elkartasuna adierazi diote biktimen senideei. Gainera gertakariak gaitzetsi dituzte.
Hileta
Hileta asteazkenean izango da Jehovaren lekukoek Laudion daukaten egoitzan. 18:30ean hasiko da.