Lamuza Parkeko Musika Etxean konponketa lanak hasi ditu langile talde txiki batek. Zenbait hedabidek zabaldu dutenaren arabera Arabako Foru Aldundiak 60.000 euroko diru-laguntza onartu du Diputatu Kontseiluan eta lan horietan erabiltzeko.
Hedabideek azaldu dute obren xedea dorrea egonkortzea dela eta hurrengo asteetan bukatzeko asmoa dutela. Lan horiek eraikinaren degradazioa gelditzea dute helburu eta ez dute harremanik gerora emango zaion erabilerarekin.
Laudioko Udalak, Koldo Zabala zinegotziaren bitartez, azaldu du Arabako Foru Aldundiak ez diola ezer adierazi obren inguruan. Hori dela eta, harremanetan jarriko da foru erakundearekin zer egingo den jakiteko.
Duela aste gutxi Laudioko Udalak eskatu zion Foru Aldundiari Ugarte auzora doan espaloiaren egoera konpontzea, Musika Etxean arrakalak ireki zirenetik itxita baitago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
