IERA GARAIO (Laudio, 1988) Orbeko Etxeko boulderrean aritzen da eta 13. urteurrenaren ekintzen antolakuntzan ere parte hartu du. Orbeko Etxearen ibilbidearen inguruan mintzatu da elkarrizketan.
13 urte bete ditu Orbeko Etxeak. Zer da orain arte egindakoa eta egingo duzuena?
Orain arte etxea apaindu eta mantendu dugu. Auzoari eta etxeari bizia eman diogu. Herriari ere alternatiba desberdina eskaini diogu.
Instituzioetatik at eta autogestioan oinarritutako proiektua mantendu dugu.
Orain arteko ibilbidearen inguruan balorazioa egin duzue?
Gorabeherak egon dira. Balorazioa ona da baina ez gara geldituko hobetzeko. Ilusioarekin aurrera egingo dugu beti egin daitezke gauzak hobeto eta.
Orain arte egindako urteak gutxi dira, askoz gehiago bete nahi ditugu eta.
Orokorrean balorazioa positiboa da, urte onak, hobeagoak eta hobetzekoak egon dira. Eta bidean gaude oraindik. Onena heltzear dago oraindik.
Une hauetan jende berria sartu da eta hori ere oso positiboa da.
Azken urtean zehar Orbekon ekintza ugari egiten ari dira, zer dela eta?
13 urte daramatza etxeak eta beti egon dira ekintzak. Gehiago edo gutxiago baina beti egin dira gauzak, kontua da horren inguruan informatzea.
Azkenengo urtean, esan bezala, jende gazte tea berria gehitu da proiektura eta horrek beste bizitu du proiektua.
Urteurrenaz gain, astean zehar zer ekintza mota egiten dira Orbeko Etxean eta zeintzuk dira proiektuak etorkizunerako?
Jendea eskalatzera etortzen da, beste batzuk kamisetak eta serigrafiatzen dituzte, tailerrean "txapuzak" egiten dituzte, keramika...
Etorkizunan entsegu lokalak, liburutegia, sukaldea, grafiti tailerra... egongo dira.
Hala ere, astebururo zer edo zer antolatzen da: afari beganoak hilabeteko azken ostiraletan, txarlak (politikoak, sozialak...), kontzertuak, liburu aurkezpenak...
Gero, Laudioko ospakizunetan herriko beste edozein kolektiborekin parte hartzeko pozik eta prest gaude.
Norbaitek proiektuan parte hartu nahi izanez gero, noiz hurbildu daiteke Orbeko Etxera?
Ostegun arratsalde guztietan, abuztuan izan ezik, asanblada orokorra egiten dugu. Norbaitek parte hartu nahi baldin badu Orbeko Etxearen proiektuan etor dadila.
Aipatu behar dugu etxearen barruan dauden kolektibo desberdinek (serigrafia, grafiti, bulder, tailerra, etorkizuneko liburutegia...) haien ordutegi propioa dutela. Baina, edozein ostegunetan etor zaitezkete ordutegi horien inguruan informatzera.
Urteurrenaren balorazioa zein da?
Balorazio oso positiboa, bikaina.
Mota guztietako ekintzak egin ditugu eta oso ondo joan dira. Hala ere, asteburuetako ekintzak izan dira arrakastatsuenak. Jendeari oraindik kostatzen zaio Orbekora hurbiltzea. Tren geltokia eta bus geltokia alboan dugun arren!
Eskerrik asko hona hurbildu zen jendeari eta Aiaraldeak eman digun bultzadagatik eta informazioa zabaltzeagatik.
Animatu eta parte hartu Laudioko espazio autogestionatuan!