Atzoko Laudioko Udal Osoko Bilkuran talka egin zuten alderdiek modu zakarrean. Lehen gatazka bake-epailea hautatzeko baldintzen berrespenaren harira sortu da. Bilduk proposatu du 18 puntuko sistema; 10 puntu EGA edo HABE 3 titulurako, 6 puntu zuzenbide ikasketentzat eta 2 puntu zuzenbideari lotutako masterrentzat.
Gainerako alderdiek irizpide horien aurka azaldu dira; Omnia, PSE-EE eta PP euskarak garrantzia gehiegi duela argudiatuz eta zuzenbidearen inguruko ezagutzak pisu gehiago izan behar duela esanez. Hala ere, euskararen ezagutzaren inguruan Alvaro Ruiz, PPko zinegotziak, HABE 3 edo EGA ezinbestekotzat jo duen bitartean Omnia eta PSE-EE HABE 2 eskatu behar dela adierazi dute. Hori dela eta Omnia, PP eta PSE-EE taldeek aurka bozkatu dute eta EAJ abstenitu da.
Bilduk bere proposamena mantendu du eta euskaradunen eskubideak bermatu behar direla azaldu du, EAEko bi hizkuntza ofizialak gaztelera eta euskara direla gogoratuz.
Baldintzak onartzeko gehiengo absolutua beharrezkoa denez, udal gobernu taldearen proposamenak ez du aurrera egin, nahiz eta aldeko bozak kontrakoak baino gehiago izan.