aiaraldea.eus

Aiala Vidrioko zuzendaritzak 6 hilabeteko enplegua erregulatzeko espedientea aurkeztuko du

Erabiltzailearen aurpegia Erredakzioa   Ekonomia  Laudio

Aiala Vidrioko langileek berriro negoziaketak abiatuko dituzte enpresako zuzendaritzarekin. Azken kasu honetan ez da hitzarmen kolektiboaren harira, baizik eta 6 hilabeteko enplegua erregulatzeko espedientea dela eta.

Aiala Vidrioko langileek berriro negoziaketak abiatuko dituzte enpresako zuzendaritzarekin. Azken kasu honetan ez da hitzarmen kolektiboaren harira, baizik eta 6 hilabeteko enplegua erregulatzeko espedientea dela eta.

Lantegiak hiru labe ditu eta enpresa-taldeak bat itzali nahi du apiriletik urrira arte. Nahiz eta eragina zehazteke dagoen, horrek suposatuko du hainbat langilek langabezira jo beharko dutela.

Langileen ordezkariek azpimarratu dute enpresak etekin historikoak lortu dituela azkenaldian eta zuzendaritzak ezin dituela arazo ekonomikoak argudiatu.

Asier Barruetabeña LAB sindikatuko langile ordezkariak azaldu du enpresarekin sinatutako aurreakordioaren bitartez lan erreformaren ondorioak ekidin nahi zituztela, baina zuzendaritzak zirrikitu legal guztiak erabili dituela. Hala ere, Barruetabeñak uste du langileek batuta mantenduz gero egoerari aurre egiteko aukera dutela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa