C.D. Laudiok akordio batera heldu da klubeko hainbat jokalari ohiekin atzeratuta zituen zorrak kitatzeko. Akordio estrajudizial hau kluba hirugarren mailan zegoeneko lau jokalari ohiekin lortu da eta ekainaren 20 baino lehenago 19.000 euro jaso beharko dute guztira, honela C.D. Laudiok auzitegietara joatea saihestu du momentuz.
C.D. Laudiok markatutako epean zorrak kitatzeko konpromezua hartu du, ordainketa guztiak burutu ezean klubaren jabetzen bahiketa gauzatuko da. Lau jokalari ohiekin akordioa lortu ostean helburu guztiak egungo jokalariek jarritako salaketak ordaintzera bideratuko dituzte ekainaren 30a baino lehenago erregional mailara jaitsiera saihesteko.
Bestalde Laudio Kirol Klubaren lehen teknifikazio campusa burutuko da uztailaren 7tik 18ra Laudioko San Martin futbol zelaian 5 eta 14 urte bitarteko gazteentzat. Campusean futbol profesionaleko jokalari ohiak eta C.D. Laudioko entrenatzaileak parte hartuko dute. Ez da plaza mugaturik egongo eta 225 euroko balioa izango du, campusean astebetez bakarrik parte hartzeko aukera ere badago.