Udalak 2014ko Laudioko Jaietarako kartel lehiaketa abiatu du aurten ere. Lehiaketan bi maila izango dira: nagusiena eta 6-12 urte arteko haurrena. Bertan, edozein herri eta nazionalitateko jendeak nahiz Laudioko eskoletan matrikulaturiko haurrek parte hartu ahal izango dute, parte hartzaile bakoitzak nahi adina lan aurkeztu ahal izango ditu. Lanen originaltasunari garrantzia handia emango zaio, beste edozein lehiaketetan sarituriko lanak ez direlarik onartuak izango. Lanak egiteko edozein teknika artistiko erabili ahal izango da: collagea, argazkilaritza, margolaritza... Nagusien lanak 50x70 zentimetroko orri batean eta aurrena DinA 4 orri batean aurkeztu beharko dira Laudioko Udaleko kultur arloan, formatu digital edota zurrunean, maiatzaren 23a baino lehenago. Egun horretako eguerdiko 14:00etan itxiko da epealdia.
Bi mailetan sari bakarra izango da: nagusienean 1200 euro eta haurrenean Udalak autobus bat ordainduko dio irabazlearen ikasgelari txangoa egin dezaten irakasleek aukeraturiko tokira.
Sarituak aukeratzeko prozesua epaimahai tekniko batek eta bozkaketen osatuko dute. Epaimahai teknikoan diseinu grafikoan zeresana duten pertsonek hartuko dute parte eta bozkaketetara pasa ahal izango diren lanak aukeratuko dituzte, gutxieneko kalitate artistiko bate egon dadin. Bozkaketetan epaimahai tekniko honek eta Laudioko herriak berak parte hartu ahal izango dute, bakoitzak 50na puntu emango dituelarik. Lanak Kultura Etxean izango dira erakutsiak jendea bertaratu eta gustukoenaren alde bozka dezan.