Laudioko Udalak zuzeneko saioen lehen maratoia antolatu du herriko musika proiektu berriak bultzatzeko helburuarekin. Estilo musikal guztietako talde eta kideei irekita dago Uztailaren 11 eta 12an ospatuko den maratoia. Parte hartzeko eskaera aurkezteko, hurrengo baldintzak bete beharko dira:
- Gutxienez taldeko kide bat Laudion erroldatuta izatea
- Banda osatzen duten kideen erdiak gutxienez 16 eta 35 urte bitartean izatea
Eskaera aurkezten duten guztien artean 6 talde aukeratuko dira gutxienez eta horiexek izango dira uztailaren 11 eta 12ko maratoian parte hartuko dutenak. Ez da lehiaketa bat eta beraz ez da irabazlerik izango, helburua musika talde berriei publikoarekin bat egiteko aukera eskaintzea da.
Izena eman nahi duten taldeek inprimaki bat bete beharko dute (www.laudiokoudala.net webgunean eskuragarri izango da) eta maiatzaren 12tik ekainaren 13ra bitartean educacion@laudiokoudala.net helbide elektronikora bidali edo udaletxeko Gazteria Sailan aurkeztu (2. solairuan).
Horrez gain hurrengo agiri hauek aurkeztu beharko dira:
- Bandaren argazkia jpg formatuan
- Bandaren historiari buruzko deskribapena doc, docx edo pdf formatuan
- Banda-kide bakoitzaren NANaren fotokopia bana
- Laudion erroldatutako banda-kidearen errolda agiria
Zalantzak argitzeko educacion@laudiokoudala.net helbidera idatzi edo 94-4034850 telefonora deitu daiteke.