24 herrialdetako 478 eleberri aurkeztu dira lehiaketara
Garaile atera da Amado Gomez Ugarte idazle laudioarra “Gabriel Sije” sariaren 38. edizioan. Al otro lado del mar eleberri motzarekin lortu du saria.
Fikziozko istorio bat da eleberrian kontatzen dena. Bilbo alboan kokatutako herri imaginario batean girotua dago, XX. mendearen erdialdean. Protagonista nekazari bat da. Lantzen duen lurraren jabe izateko lurraren jabea den jauntxoaren alabarekin ezkontzeko aukera izango du nekazariak; baina, era berean, Ingalaterrako emakume batez maiteminduko da.
Ez da Gomezek idatzi duen lehen eleberria, ibilbide luzea egina baitu literaturaren munduan. Bassarai argitaletxearekin La Secana, Para siempre eta El vuelo de la mariposa argitaratu ditu. Elkar argitaletxearekin, berriz, Bidaia ahaztezina, Ni eta nire kontuak eta Ni eta nire metroa kaleratu ditu. El barco varado eta El último mono liburuak ere idatzi ditu. Inframundos da bereazken lana.
478 lan aurkeztu dira lehiaketara, 24 herrialdetakoak: Alemania, Argentina, Australia, Brasil, Kanada, Txile, Kolonbia, Costa Rica, Cuba, Ecuador, El Salvador, Espainia, Estatu Batuak, Frantzia, Guatemala, Haiti, Honduras, Israel, Italia, Peru, Dominikar Errepublika, Errumanía, Uruguay eta Venezuela. “Gabriel sije” sariak Caja Mediterraneo fundazioak banatzen ditu.