Apirilaren 23an dekretu bidez adostu zen moduan, Laudioko Udala saiatu da gaur Latiorroko antena ixten. San Martinen Telefonicak duen azpiegiturara hurbildu dira goizeko 09:00etan Koldo Zabala zinegotzia, bi udal langile eta bi udaltzain. Telefónicako hiru ordezkarirekin topo egin dute eta hauek debekatu diete sarrera.
Enpresaren hiru ordezkarik adierazi dute agindu judiziala izan ezean ez diotela Udalari baimenik emango antena ixteko.
Apirilaren 23an dekretu bidez adostu zen moduan, Laudioko Udala saiatu da gaur Latiorroko antena ixten. San Martinen Telefonicak duen azpiegiturara hurbildu dira goizeko 09:00etan Koldo Zabala zinegotzia, bi udal langile eta bi udaltzain. Telefónicako hiru ordezkarirekin topo egin dute eta hauek debekatu diete sarrera.
Enpresaren hiru ordezkarik adierazi dute agindu judiziala izan ezean ez diotela Udalari baimenik emango antena ixteko.
Administrazioarekiko auzien epaitegia
Udalak hartutako erabakiaren aurka administrazioarekiko auzien epaitegira jo du enpresak eta egun gutxi barru epaileak ebatzi behar du antena itxiko den edo zuhurtziaz indargabe utziko duen itxiera.
Udalaren iritzia
Koldo Zabalaren ustez argi geratu da Telefónicak ez duela laguntzeko asmorik eta Bilduren konpromisoa berretsi du. Zabalak esan du Latiorroko biztanleek antena ixtea nahi dutela eta asmo hori mantenduko dutela. Bestalde, espero du epaileak herritarren nahiaren alde egitea eta antenaren itxiera erraztea.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
