Hiru urte bete dira Laudioko Udalbatzak Telefonicak Latiorron duen antena lekuz aldatzea adostu zuenetik. Bi urteko epea eman zitzaien arren prozesua luzatu egin da, Udalaren esanetan, enpresak inongo interesik erakutsi ez duelako. Udaletik, aldiz, saiakera anitzak egin direla jakinarazi dute.
2013ko urtarrilean agortu zen antena aldatzeko epea. Hala ere, abendura arte, eta tartean, beti udal gobernuaren arabera, hitz egiteko gonbitea luzatu arren, ez zen ixteko agindu irmoa eman. Hori dela eta, 2014ko apirilean Telefonicak helegitea aurkeztu du. Enpresaren arabera, antena lekuz aldatzeak bezeroentzat kalteak eragingo ditu.
Udalak, bere aldetik, 10 egun ditu Gasteizko administrazioarekiko auzien 3 zenbakidun epaitegiari gaiaren inguruko informazioa eta hartutako neurriaren arrazoiak helarazteko. Jakinarazi dutenez, egindako bidearen inguruko azalpena auzo asanbladan eman eta auzokideek aho batez antena ixtearen aldeko erabakia berretsi ostean, tinko mantenduko dira hartutako erabakian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
