C.D. Laudiok, klubaren egoera ekonomikoari aurre egiteko burutuko diren ekintzen inguruan bazkide eta zaleak informatzeko bilera egin zuen iragan apirilaren 22an herriko plazako erabilera anitzeko gelan.
Jakina den bezala C.D. Laudiok zailatsunak ditu zorrak ordaintzeko 2.B mailara igo zenetik. Egoera ekonomikoari aurre egiteko asmoz hainbat ekintza burutuko dituzte herrian: Maiatzak 1 eta 4 bitarte Aldai plazan azoka bat antolatuko dute, bertan klubeko materiala (kamisetak, banderak, bufandak...) salmentan jarriko dute, txosna eta haurrentzako parkea antolatzeaz gain; San Martin zelaian egiten zen futbol-7 txapelketa berreskuratuko dute; jaietako txosnetan parte hartzen duten eragile bat izaten saiatuko dira; San Martinen kontzerturen bat antolatzea baloratu dute; azkenik, herriko dendari eta ostalariekin kolaborazio kanpaina bat jarriko dute martxan (bazkide karnetak, publizitate kuñak San Martineko megafonian, taldeen babesle izatea...).
Futbol klubak adierazi du iniziatiba zerrenda hau ez dela itxia eta ekarpenak jasotzeko prest daude, gauzak horrela laguntza eskatu die bazkideei ekintza guztiak aurrera eraman ahal izateko.