Laudioko Udalak eta Eusko Jaurlaritzak Bizigune programa sustatzea adostu dute. Bizigune programan hutsik dagoen etxezitzaren jabea Eusko Jaurlaritzaren esku uzten du eta honek, Alokabide sozietatearen bidez, alokairuaren kudeaketa integrala egiten du. Alokabidek Etxebide Zerbitzuan izena emanda dagoen eskatzaile bati alokatzen dio eta honek bere diru-sarrerak kontuan hartuta ordainduko dio Alokabideri.
Alokairuko etxebizitzen parkea murritza da Araban eta horregatik hartu da Laudion Bizigune programari buruzko informazioa zabaltzeko erabakia.
Etxebizitza bat Bizigune programaren bidez alokatzeko baldintzak
Hurrengoak dira etxebizitza batek programa honetan parte ahal izateko bete beharreko baldintzak:
- Etxebizitza librea izatea (BOE edo babes ofizialekoa bezala kalifikatuta ez egotea)
- Azken 9 hilabetetan hutsik egon izana (uraren, argiaren eta gasaren fakturen bidez egiztatu behar da)
- Kasu honetan, etxebizitza Laudion egotea.
- Etxebizitzaren oinarrizko baldintza teknikoak: Bizigarritasun baldintzak betetzea
- Itxura txukuna eta garbia izatea
- Modu bikainean funtzionatzen duten sukaldea eta komuna edukitzea
Bizigune programak errentaren hileko ordainketa puntuala bermatzen du
Lehenengo errentaria sartzen denetik, errentaren hileko ordainketa puntuala bermatzen da. Errenta gisa ordaindu beharreko gehienezko zenbatekoa hilean 450 €-koa da (urtero eguneratu daiteke KPIren arabera). Horretaz gain hurrengoa eskaintzen die Alokabidek etxebizitzen jabeei.
- Alokairuaren kudeaketa integrala
- 6 urteko iraupena duen gozamen-kontratua
- Etxebizitzaren txosten teknikoa
- Etxerako arrisku anitzeko asegurua Alokabideren kargura
- Etxebizitza kontserbazio egoera berean itzuliko dela ziurtatzen da, alokairuaren ondoriozko erabilerak eragin dezakeen ohiko higadura salbu.
Etxe bat Bizigune programan sartzeko eman beharreko pausoak
Informazioa jasotzeko eta eman beharreko pausoak ezagutzeko, udalera jo daiteke, baita Alokabidera ere, dohainik den telefono honetara deituz 900 251 251. Hurrengoak dira pauso garrantzitsuenak:
1. Ondorengo dokumentazioa aurkeztu beharko da:
- Jabeen NANaren fotokopia
- Erregistroko ohar soila
- Eskrituren fotokopia
- OHZren kopia
- Hornikuntzen ordainagiriak
2. Alokabideko teknikari bat etxebizitzara joango da dagokion txostena egiteko eta hauxe adosteko:
- Etxebizitzaren eta altzarien egoera, programan sartzeko egokitzapenen bat egitea beharrezkoa den ala ez baloratuz
- Ordaindu beharreko errentaren zenbatekoa
- Kontratua amaitzen denean itzultzeko bermearen barruan dauden instalazioen, etxetresna elektrikoen eta altzarien inbentarioa
3. Baldintzak bete eta adostasuna lortuz gero, dagokion kontratua sinatuko da eta Alokabidek errentaria bilatuko du ahal bezain laster.