Omnia taldeak iragarri du partaidetzaren bidearen alde egiteko erabakia hartu duela: hemendik aurrera, bere web-atarian mozioak argitaratzen ez dieten alderdien ekimenen aurka bozkatuko dute Udal Osoko Bilkuran.
Momentuz PSE-EEren baimena dute bakarrik bere mozioak plazaratzeko. Omniaren bozeramaleen ustez, herritarrek ezin dute bere iritzia eman mozioak ezagutzen ez badituzte.
EAJk alkate-ordetza eskaini ziola esan du Omniak eta jeltzaleek "gezurra dela" esan dute
Omniak partaidetzarekin duen konpromisoa berretsi du. Hori dela eta, bakarrik herritarrek bozkatzen dutena beteko dute.
Horren inguruko bi adibide jarri dituzte. 2011. urtean EAJk alkate-ordetza -partaidetzaren esparruan- eskaini zion Omniari, baldin eta jeltzaleak udala gobernatzea errazten bazuten bere bozarekin. Omniako kideek abstentzioaren alde egin zutenez, abstenitu ziren eta alkate-ordetza izateari uko egin zuten.
EAJk erabat gezurtatu du talde independienteak esan duena. Mikel Lasak ziurtatu du ez zirela negoziazio formalik eman eta gaineratu du "alkate-ordetza partaidetzaren esparruan" figura ez dela existitzen, "gezurra da, gezur borobila".
Bestalde, pasa den astelehenean bi alderdik eskatu zioten Omniari bere boza aldatzea aurrekontuek aurrera egin dezaten. Hala ere, Omniak bere web-atarian jasotako iritzia mantendu zuen. 47 pertsonek aurrekontuen onarpenaren aurka bozkatu zuten eta.
Aurrekontuak
Omniaren aburuz aurrekontuak modu partehartzailean onartzeko 0-tik egin beharko lirateke eta ez soilik alderdien arteko adostasunen bitartez.
Bestalde, Omniak ere Arrañoko eta SOS Laudioko Lamuza Parkearen eskaerak babesten dituela aipatu du, nahiz eta inork ez dituen bereganatu behar.