Dolumin Barikurako ekintza berezia prestatu du SOS Laudioko Lamuza Parkea Plataformak. Baina erronka horri aurre egin baino lehen hitzaldia prestatu dute. Apirilaren 8an izango da Kultur Etxean eta hizlaria Lamuza Parkea Babesteko Plan Berezia egin zuen talde teknikoa izango da.
Plataformak oso garrantzitsutzat jotzen du bere kideek eta herritarrek oro har plana ondo ezagutzea. Ez bakarrik bertan behera geratu diren ekintzak aintzat hartzeko, baizik eta egindako lana aitortzeko eta partekatzeko. SOS Laudioko Lamuza Parkea-ko kideek uste dute etorkizunean erabilera berriak proposatu beharko direla eraikinen inguruan eta horretarako oso interesgarria izan daitekeela dagoeneko jaso dena konparatzea.
Bestalde, hitzaldiak balioko du Parkedada ekintzari begira herrian dagoen giroa berotzeko. Dagoeneko plataformak gune ezberdinak zehaztu ditu eta ekimen ikusgarria egin nahi du herritarren laguntza eta partaidetzari esker.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide