Txema Urkijo laudioarra dagoeneko ez da Biktimen Arretarako Bake eta Bizikidetzako Idazkaritza Nagusiaren Aholkularia. Iñigo Urkulluk adierazi du kargutik kendu dutela.
Bake eta Bizikidetzarako Idazkaritza Nagusiaren lan eta metodologiaren aplikazioan eta interpretazioan izan diren ezberdintasunetan oinarritu du Urkulluk erabakia.
Eskutitz bat, polemikaren jatorria
Kargugabetze horrekin erantzun du Lehendakaritzak COVITEk egindako eskaerari. Biktimen elkarteak Urkijo kargutik kentzea eskatu du, Kepa Pikabea ETAko militante ohiak Miguel Madariaga Guardia Zibil ohiarekin bildu ostean.
Guardia Zibil ohiak adierazi zion COVITEri Txema Urkijok gorde zuela Kepa Pikabeak idatzitako eskutitza eta ez ziola berari eman. Antza, gutun horretan Pikabeak Madariagak egindako galdera batzuk erantzuten zituen.
Txema Urkijoren erantzuna
Twitter bitartez zabaldu du Txema Urkijok bere bertsioa. Akusazioen aurrean Urkijok azaldu du eskutitz bakarra gorde zuela eta Pikabeak berak eskatutako baldintzak ez zirelako betetzen; diskrezioa mantentzeko bermerik ez zeudelako, hain zuzen ere.
Txema Urkijo abokatua da eta Gesto por la paz elkarteko kidea izan zen eta 2006an Eusko Jaurlaritzak bultzaturiko Terrorismoaren Biktimei Laguntzeko Bulegoko aholkulari izendatu zuten, Maixabel Lasaren eskutik