SOS Laudioko Lamuza Parkea Plataformak Laudion ordezkariak dituzten alderdi guztiekin elkartu da. Bileren helburua izan da Kasinoan obrak hasteko inbertsioa jasotzea 2014ko aurrekontuetan. Alderdiek oso jarrera positiboa izan dutenez, plataformak espero du 2014ko aurrekontuetan islatzea harrera on hori.
Lanek Kasinoaren degradazioa gelditzeko balio behar dute eta San Roke Kofradiako kide batzuek egin dute aurreproiektu teknikoa. Guztira 34.000 euroko inbertsioa suposatuko luke ekimenak.
Ondarea mantendu ez ezik, plataformaren asmoa da gainerako erakundeei -Arabako Foru Aldundiari eta Eusko Jaurlaritzari- adieraztea Laudioko Udalean eta herrian konpromiso irmoa dagoela Lamuza Parkearekiko, beraiek ere lagundu dezaten.
Iniziatiba aurrera eginez gero, SOS Laudioko Lamuza Parkea Plataformaren ustez: “alderdiek bidea irekiko lukete Laudiotik konponketa lanei hasiera emateko. Formula ezberdinen bitartez egin daitekeena. Urtero inbertsio bideragarrien bitartez eta herritarren auzolanekin.”
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
