Alderdi jeltzalearen kritikan Bilduri herriko finantza kudeaketan –aurrekontuetan- nagikeriaz aritzea egozten zitzaion. Gainera soberakinen inguruan emandako datuak faltsuak direla esan zuen EAJk.
Bilduk, kontrara, aurrekontuak eta funtzionamendua ez dela aldatu azaldu du; beti egin dela horrela, aurreko agintaldietan ere. Datuei dagokionez, benetakoak direla azpimarratu du koalizioak. Horretaz gain, alderdi jeltzaleak aurreko urteko aurrekontuetatik 2014koetara eransteak egin direla esaten duenean egia dela aipatu da Bildutik. Izan ere, hau gauza berria ez dela uste dute, eta jeltzaleen gobernu garaian soberakinetan 20 milioi euro bazituzten ere hurrengo ekitaldian ia %50a eransten zela gogora ekarri.
Udal Gobernu taldeari egindako kritikan zenbait inbertsio aipatzen dira. Haiek, ordea, jeltzaleek inbertsio horiek zein fasetan dauden dakitela diote, asko hurrengo egunetan esleipen prozesuaren amaieran izango direlarik. Gainera, Plan Forala egiteko bideragarritasun ekonomikoa egon behar dela esaten dietenean, jakinda obra egingo ez zela, iazko aurrekontuetan txertatutako 900.000 euroak hori bideratzera zetozela erantzun dute. Izan ere, obra 2014-2015 artean egingo da. Hori dela eta nagikeriaz baino arduraz jokatu duela uste du Bilduk.