Euskal Preso Politikoen Kolektiboa hasi da dagoeneko espetxe-administrazioari banakako eskaerak egiten, Zaballako (Estatu Espainiarrean daudenen kasuan) edo Ipar Euskal Herritik hurbil dauden espetxeetara (Frantzian daudenen kasuan) mugitzeko eskatuz.
Lehen txanda honetan,haien egoera larria kontuan hartuz, gaixorik dauden edota 70 urte baino gehiago dituzten presoak izan dira eskaera egin dutenak. Kasu konkretu honetan, gainera, aberriratzeaz gain kartzelatik ateratzea ere eskatu dute. Eskaera hauek astelehenean hasi ziren bideratzen, eta hala jarraituko dute datorren bi asteetan zehar. Ondoren, eskaera gehiago egingo dira txanda ezberdinetan, giltzapetuta denbora gehien daramatenengandik hasita.
Eskaera honek hiru atal dauzka. Lehenengoak kartzelako salbuespen egoerek beraiei eta familiei eragiten dizkieten gaitzak laburbiltzen ditu. Bigarrenak, nazioarteko lege egoera erakusten du, salbuespen egoera honek parekorik ez duela azalduz. Azkenik, presoek argi uzten dute ezker abertzalearen ekimenarekiko atxikimendua, eta prozesuarekiko inplikazioa, abenduaren 28ko deklarazioaren harian.
Laudioko Pablo Gorostiaga, Patxo Murga eta Isidro Murga presoek ere Zaballako presondegira hurbiltzeko eskaera egin dute.
Honetaz gain, Pablo eta Patxoren askatasuna eskatzeko sinadura bilketa bat egin izan da, eta datorren martxoaren 19an sinadura hauen aukezpena egingo da.