Laudioko alkatetzak, bando baten bitartez, gogor salatu berri du PPk eta Nuclenorrek Garoñako zentral nuklearra berriz irekitzeko dituzten asmoak. “Berrogei urte eman ditugu Garoñaren arriskuak pairatzen eta ez gaude gehiago onartzeko prest” adierazi du aipaturiko bandoan Laudioko alkate den Jon Iñaki Urkixok.
“Guztion osasuna eta etorkizuna batzuen mozkinak baino askoz garrantzitsuagoak dira, eta Arabako jendartearen gehiengo zabal batek horrela adierazi du behin eta berriro.” Nuclenor osatzen duten Endesa eta Iberdrola enpresei eta PPko gobernuari dei egin die proiektua bertan behera utz dezaten.
Bukatzeko, udalak bat egin du datorren martxoaren 15ean, larunbatean alegia, Araba Garoña Gabe plataformak antolaturiko manifestaldiarekin, zeina arratsaldeko 19:00etan aterako baita Gasteizko Andra Mari Zuriaren enparantzatik. Laudioko bizilagun guztiei dei egin die ere bertan parte har dezaten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
