Herenegun 15 eguneko grebari ekin zioten Aretako Aplica enpresako langileek Eusko Jaurlaritzaren egoitzaren aurrean egin dute protesta.
Aplica enpresaren bezero garrantzitsuenetariko zen Euskaltelek orain arte Aretakoei ematen zizkion zerbitzuak, baina orain Euskal Herrian azpiegiturarik ez duen Valladolideko enpresa batek egingo dizkio martxotik aurrera. Bezero hori galtzeak kinka larrian jarri du Aplica. Zentzu horretan, langileek grebarekin lortu nahi dutena Euskalteli egin beharreko lanak ez burutzea da, presio eta protesta bide gisa.
Egoera latzena baina langileena eurena da. Aplicak EREa ezarri du eta, gainera, euren esanetan ez dute behar bezain besteko dirurik langileei kalte ordainak ordaintzeko. Langileek Valladolideko enpresara joateko aukera daukate baina, hori egitekotan, berton zeuzkaten abantailak galduko lituzkete (antzinatasuna besteak beste) eta, hori gutxi balitz, Valladoliden lau hilabetean baino ez lituzkete hartuko froga moduan, hortaz, ez lukete lanpostua ziurtaturik izango. Bestalde, jakina, beste enpresa horretara joan ahal izateko Aplican aurretik zeukaten kontratua eten beharko lukete, hala, enpresak berez eman beharko liekeen kalte ordainari uko eginez.