SOS Laudioko Lamuza Parkea plataformako kide den Raquel Masarekin jarri da kontaktuan Arabako Foru Aldundia, Musika Etxearen egoera dela eta hitz egiteko. Berarekin baino plataformako ordezkaritza batekin biltzea proposatu dio Masak, eta Diputazioaren erantzunaren zain daude orain plataformako kideak.
Otsailaren 6an mobilizazioa egin zuten plataformako kideek, Lamuza Parkeko ondare historikoaren egoera salatzeko. Manifestu bat kaleratu zuten, zeinetan zera eskatzen zioten Foru Aldundiari:
*Lamuza Parkearen Plan Berezian jasotako larrialdiko esku-hartzea berehala gauzatzea eraikinak erori ez daitezen.
*Parkeko ondare historikoa, bereziki Musika Etxea eta Kasinoa, botako ez direla bermatzea eta bere mantenuan pausoak ematea.
*Parkeko ondare historikoa Laudioko herritarren erabilerarako izatea, bere behar soziokulturalak asetzeko.
Ekimen gehiago Datozen hilabeteetan hainbat ekimen martxan jartzeko asmoa dute plataformatik, sinadura-bilketa tarteko. Laudioko hainbat taberna, saltoki eta topaguneetan egongo da aipatutako manifestua sinatzeko aukera. Asanblada egingo dute bihar, 18:30etan Kultur Etxean, bestelako ekimenak pentsatu eta adosteko.