Laudioko Udalak abian jarrita dauka martxoaren 14tik 16a bitarteko asteburuan jorratuko den VII. Pintxo Lehiaketa.
Hortaz, Tokiko Garapen Agentziak twitter eta facebook sare sozialetan lehiaketaren berri emateko sortu dituen profilei erreparatuta, 30 partaide baino gehiago izango dira gastronomia erakustaldian.
Aurtengoan, ostalariek luzatutako aholkuei jarraiki, pintxo kategoria bakarrean lehiatuko dira eta ostalari bakoitzak era librean osatuko du bere pintxo proposamena. Horrez gain, pintxo barra hoberena ere aukeratuko da kategoria horretara aurkezten diren ostalarien artean. Hortaz, taberna edo jatetxeek bi kategorietan parte hartzeko aukera izango dute.Epaimahai teknikoa eta herritarra osatuko dira lehiaketa ebazteko.
Hiru sari banatuko dituzte batak zein besteak pintxoen kategorian eta pintxo barra hoberena ere aukeratuko da kategoria bakoitzean.
Lehiaketa ostiralean, martxoaren 14an, abiatuko da 19:00etan. Ordutik hasita hiru egunez pintxo lehiaketarako eskaintza izan beharko dute barretan lehiakideek, 12:00etatik 15:15era eta 19:00etatik aurrera larunbatean eta eguerdiko ordutegian igandean.
Lehiaketako pintxoak 1,30 eurotan izango dituzte salgai eta saritutako pintxoak apirilaren 21a bitartean izango dituzte barretan irabazleek.
Laudioko Udalak abian jarrita dauka martxoaren 14tik 16a bitarteko asteburuan jorratuko den VII. Pintxo Lehiaketa.
Hortaz, Tokiko Garapen Agentziak twitter eta facebook sare sozialetan lehiaketaren berri emateko sortu dituen profilei erreparatuta, 30 partaide baino gehiago izango dira gastronomia erakustaldian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide