Laudioko Aserradero Murga enpresak, Gasteizko auzitegiak hala ebatzita, 2012ko apirilaren 3an lan istripua izan zuen langileari 20.748 euro ordaindu beharko dizkio. Istripuan langileak zerra batekin zauri larria egin zuen abdomenean.
Epaiaren arabera, enpresaren erantzukizuna da, ezinbestekoak diren prebentziozko neurriak hartu ez izanagatik. Langileak bi epetan hartu behar izan zuen baja. Guztira 24 egun igaro zituen ospitalean. Istripua gertatu eta berehala arau-hauste akta ezarri zitzaion enpresari, 2046 euroko zigorrarekin. Horretaz aparte, langileriari istripuak eragindako prestazio guztien %30eko kargua bere gain hartu behar izan du enpresak.
Enpresaren ordezkaririk ez da epaiketara azaldu. Konkurtso administratzailea izan beharko da indemnizazioa ordaindu beharko duena, enpresa hartzekodunen konkurtsoan aurkitzen delako. Aseguruak heriotza edota ezgaitasun osoa eragindako istripuei soilik egiten die aurre.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
