Arabako Foru Aldundiko Zerbitzu Sozialentzat lan egiten duten langileek lanuzteak hasi dituzte Laudion. Horren ondorioz adinekoen egoitzako eta Lantzeko erabiltzaileek eragina nabarituko dute, nahiz eta langileek saiatuko diren hori saihesten protestak tartekatuz.
Gaur egin dute lehenengo protesta, 09:00etan hasi eta 11:00etan bukatu da. Lan-etenaldia iraun duen bitartean Herriko Plazan elkarretaratzea egin dute. Otsailaren 18an eta 26an izango dira hurrengoak gaurko eredua jarraituz.
Aldarrikapenak
Langileek gauza ezberdinak salatu nahi dituzte lanuzteen bitartez. Alde batetik, Alderdi Popularrak -Arabako Foru Aldundian agintzen duen alderdiak- txandakatze sistema berria ezarri du. Hori dela eta beharginek modulu aldaketak egitera behartu dituzte.
Bestalde, egutegia aurretik ez dietela finkatu nabarmendu dute langileek eta horrek arazoak sortzen diela bere bizitza antolatzeko. Gainera, zerbitzuaren kalitatea arriskuan dagoela esan dute.
Bukatzeko, aipatu dute Txagorritxuko zaharren egoitzan arazo guzti horiek konpondu direla azpimarratu dute. Protesten bidez espero dute haien egoera ere konpontzea.