Laudioko Alkatea Natxo Urkixok baieztatu du Lamuza Parkeko Musika Etxea eraikinari eusteko lanak abiatu dituela Foru Aldundiak. Astelehenean hasi zituzten lanak, alegia. Pasa den ostiralean Foru Aldundiko arkitektoak bisitatu zuen Musika Etxea horretarako.
Hedabidetan argitaratu da 6000 euro inguru bideratuko dituela erakunde foralak helburu horiek betetzeko. Natxo Urkixok adierazi du eskatutako larrialdiko lanak direla. Eraikinaren habe bat indartuko dute -mugitu dena, hain zuzen ere- eta horretaz gain oinarriak ere sendotuko dituzte.
Fatxadan agertu diren arrakalei aurre egiteko gerriko antzeko bat jarriko dutela dorrean iragarri du alkateak.
Osteguneko manifestazioa
SOS Laudioko Lamuza Parkea Plataformak manifestazioa deitu du biharko. 18:30ean parkean bertan hasi eta Herriko Plazan bukatuko da 19:00ak aldera. Natxo Urkixo alkateak iragarri du parte hartuko duela mobilizazioan eta erakundeen lana ez ezik herritarrena ere beharrezkoa dela.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide