Laudioko udaleko bozeramaile den Koldo Zabalak jakinarazi duenez iragan irailetik udal zerbitzu publikoek hamarnaka plaka frankista kendu dituzte hainbat etxeren sarreretatik. Plaka hauetan, Francoren diktaduraren pean, legezko alderdi bakarra zen FET y de las JONSen sinbolo diren uztarria eta geziak ageri ziren, Frankismoak iraun bitarte etxe guztietan jartzen zena Etxebizitzaren Nazio Institutuaren sinbolo izanagatik.
2012tik Eusko Jaurlaritzak Frankismoari gorazarre egiten zioten monumentu publikoen errolda bat egitea eskatu zuen eta Eudelekin hasi zen elkarlanean sinbologia horren baztertzean elkarlanean aritzeko.
Koldo Zabalak Bilduren izenean hitz egin du esatean gure eguneroko paisaiatik sinbolo hauek desagerrarazteko ordua iritsi dela: Frankismoaren biktimen elkarte hainbatek eskatzen dutenaren bidetik, egia, justizia eta erreparazioa eskatu du, era berean, 1936ko estatu kolpea eta haren ondorioak pairatu zituzten guztientzat.
Ildo beretik, deia luzatu du herriko bizilagunen batek kendu gabeko plakaren bat aurkitzen badu udaleko zerbitzu publikoekin kontaktuan jartzeko.