Laudio futbol klubeko jokalariek bost hilabete daramate kobratu gabe. Hala salatu zuten larunbatean Ellakurin Amorebietaren aurka jokatutako partiduan.
Azaroaren amaieran Arabako Foru Aldundiak klubari zor zion zatia ordaindu zion, 155.000 euro. Gaizka Bergara jokalariaren arabera, baina, ez dute oraindik soldatarik jaso: “Jendea kezkatuta dago, entrenamenduak, gasolina... diru sarrera gabe ezin dugu egin”. Laudio Futbol Klubak urtea amaitu baino lehenago ordainduko ziela esan zien: “Pilota handitzen ari da eta mahai gainean kolpe bat ematea erabaki dugu protestaren bidez”. Klubarekiko fideltasunagatik, ordea, lan berdina egiten jarraitzen dute. Bergararen iritziz, klubak pausoren bat eman beharko luke: “Azalpena ematea garrantzitsua izango da. Gu nekatuta gaude, denbora asko da kobratu gabe. Denok ez dugu futbolaz gain lanik egiten”. Aurrera begira ez dute protestarik aurreikusi. Klubak, momentuz, ez du adierazpenik egin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
