Otsailaren 2an bilera egingo dute Arrañoko auzokideek, Gazteluaren berreskuratze lanetarako proiektua zehazteko. Bertan erabakiko dute lanak auzolanaren bidez burutzea bideragarria den, edo, kontrara, prestakuntza berezirik beharrezkoa den nahiz burutzeko indar gehiegi ez dituzten.
Gaztelua berreskuratzearen ideia Arrañoko auzokideekin Udalak egindako bilera batetan aurkeztu zen. Bilera plaza berria egitera begira egin bazen ere, auzokideek interesgarriago ikusi zuten Gazteluaren proiektua. Auzolanaren bidez burutzeak Udalak materialak eta tresnak jartzea ekartzen du. Horregatik, ekonomikoki ere aztertu beharko dute.
Eraikina 1880-1890 urteen inguruan egin zen. Markesaren jabetza izan zen bere oinordekoek 1970. hamarkadan saldu zuten arte. Gaztelu izena hartzen du garaian zuen dorrea dela eta. Eraistea erabaki zuten, ordea, Markesek alde egin eta gero eta herritarrak bertan sartzen zirela ikusita arriskutsua zela iritzi eta gero.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
