Abenduan zehar Musika Etxeko eraikinaren zatiak erori dira espaloira. Hori dela eta Udalak inguruak itxi ditu istripuak ekiditeko. Koldo Zabala zinegotziaren aburuz arriskua begibistakoa da eta horren ondorioz Udal taldea Arabako Foru Aldundiko Ogasun Diputatuarekin bilera egin zuen abenduaren 31n. Eraikina Foru Aldundiarena baita.
Hitzorduan Laudioko ordezkari politikoek gogoratu zuten Aldundiak Plan Berezia prestatu zuela Parkea eta inguruak berreskuratzeko baina krisia dela eta bertan behera utzi duela.
Plan horretan, besteak beste, Musika Etxea, Kasinoa eta Ugarteko Dorretxearen konponketak jasotzen dira.
Ezinbesteko urratsak
Koldo Zabala eta Udal teknikariek Musika Etxeko hormek arrakalak dituztela ziurtatu dute. Horren ondorioz "eraikina eta gure ondarea galtzeko arriskua" ikusten duela adierazi du zinegotziak.
Udalaren ustez Aldundiak eman behar duen lehenengo eta ezinbesteko urratsa da Musika Etxearen egitura indartzea. Momentuz, aste honetan Foru Aldundiko teknikariak udal teknikariekin jarri behar dira harremanetan egoera aztertzeko.