Datorren urtarrilaren 26an XVIII. Laudio Ikastola Krosa egingo da Laudioko Lamuza Parkeko berdeguneetan. Krosa Arabako eskolarteko kros txapelketarako puntuagarria izango da eta 2000 urtetik 2005 urteara jaiotakoei zuzendutako proba izango da. Laudio Ikastolak antolatutako krosaren helburu nagusia kirol arloan ere euskara sustatzea da eta mezu hori bidali die herriko neska-mutil guztiei.
26ko proban ez dute soilik herriko gaztetxoek parte hartuko Arabako atletismo talde federatuak ere krosera bertaratuko dira bertan parte hartzeko. Lasterketa 11:00tan hasiko da eta izena emateko epea kategoria bakoitzaren hasiera ordua baino ordu erdi lehenago itxiko da.
10:30tan irekiko da zirkuitua parte-hartzaileentzako. Kategoria ezberdinen ordutegia hurrengoa da: 11:00etan, Emakumezko Infantilak (00-01) 2.000 m; 11:15ean Gizonezko Infantilak (00-01) 3.500 m; 11:35ean Emakumezko Alebinak (02-03) 1.500 m; 11:45ean Gizonezko Alebinak (02-03) 2.500 m; 12:00etan Emakumezko Benjaminak (04-05) 1.000 m; 12:10ean Gizonezko Benjaminak (04-05) 1.500 m.
2005az geroztik jaiotakoentzat agerraldi proban parte hartzeko aukera egongo da 12:20ak aldera.
Egun berean, urtarrilaren 26an, Laudio Herria VII herri lasterketa antolatu da. Lasterketa 11:30tan abiatuko da Lamuza plazatik eta 10km-ko luzeera izango du.