Landaluze kaleko Barbara bihurgunean espaloia egiteko eskaera aspaldikoa da, gune horretan ikusmena urria baita, eta duela asko hasi ziren proiektua osatzen. Udalak, proiektua aurrera eramateko, Ura agentziaren eta Kantauriko Konfederazio Hidrografikoaren onespena jaso du, eta beraz, proiektua behin-betiko onartu da.
Proiektu horrek 91.741€-ko kostua izango du eta hiru hilabeteko epean burutuko da.
Landaluze kaleko Barbara bihurgunean espaloia egiteko eskaera aspaldikoa da, gune horretan ikusmena urria baita, eta duela asko hasi ziren proiektua osatzen. Udalak, proiektua aurrera eramateko, Ura agentziaren eta Kantauriko Konfederazio Hidrografikoaren onespena jaso du, eta beraz, proiektua behin-betiko onartu da.
Proiektu horrek 91.741€-ko kostua izango du eta hiru hilabeteko epean burutuko da.
Aparkalekura doan espaloia zabalduko da, eta gune horretan zebrabide garaia jarriko dute. Hori gurutzatuz beste aldean jarraituko du espaloiak, erreka ondoan.
Proiektua burutzeko hiru lursail eskuratzea beharrezkoa izango da, eta hori egiteko lursailen jabeekin akordioa lortua du Udalak.
Proiektuaren hurrengo pausua lursail hauek erosteko partida bideratzea izango da. 2014. urte hasieran ekingo diote proiektua gauzatzeari eta uda baino lehen bukatuta egotea aurreikusten da.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
