Arabako Foru Aldundiak abenduaren 11n egin zion CD Laudiori zor zion diru laguntzaren ordainketa. Laudioko klubak 155.000 € jasoko ditu, 2.B mailara igotzerakoan burutu zen hitzarmenean adostu bezala. Ordainetan CD Laudiok hainbat baldintza bete beharko ditu: Aldundiaren publizitatea agertuko da taldearen elastikoetan eta Ellakuri eta San Martín futbol zelaiten, lagun arteko partida bat jokatuko da honen irabaziak Gurutze gorria, Cáritas edo antzeko erakundeei bideratzeko helburuarekin eta oinarri-futbola babestu beharko da.
Diru sarrera honi esker CD Laudiok lehen taldeko jokalariei bi hilabetez atzeratutako ordainketak egin ahalko ditu. Diru faltak bi hilabete baino gehiagoz jokalariei ordianketak atzeratzea suposatu zuen eta zor pilaketa horren aurrean hainbat jokalarik salaketa jarri zioten klubari.
Azkenik, CD Laudiok igande honetan UD Las Palmas Atlético taldearen aurkako duen neurketatik aurrera haurrentzako 300 gonbidapen jarriko ditu eskuragarri Laudioko Udalean eta beste 25 gonbidapen laudioko erretiarteuntzat Laudioko Jubilatuen elkartean jaso daitezkenak.