Bai euskarari Ziurtagiriak Laudioko euskararen normalizazioa sustatzen jarraitzen du.

Ziurtagiriaren Elkarteak Laudioko udaletxeko pleno aretoa euskararen arnasgune bilakatu zuen abenduaren 15ean. Bertan, udalerriko hogei enpresek, komertzioek eta guztietako entitateek Bai Euskarari Ziurtagiria jaso dute. Banaketa ekitaldiaren aurretik, berriz, hogeita hamar bat herritarrek Laudioko Mintzodromoaren lehenengo edizioan parte hartu zuten. Ziurtagiriaren Elkartea eta Laudioko Udala elkarlanean aritu dira bi ekitaldiak antolatzen. Ekitaldian, Udaleko ordezkariak eta Rober Gutierrez Ziurtagiriaren Elkarteko zuzendaria izan dira. Ziurtagiriaren Elkarteak euskararen normalizazioa eragiteko helburuarekin bi ekitaldi antolatu zituen abenduaren 15ean Laudion, bertako Udalarekin elkarlanean: Bai Euskarari Ziurtagiriaren bigarren banaketa eta Laudioko Mintzodromoaren lehenengo edizioa. Gaur egungo datuek udalerriko eragileek Ziurtagiriaren daukaten gogobete maila islatzen dute, aurreko urtean Ziurtagiriarekin konpromisua sinatu zuten hamazazpi entitateetatik 16k berretsi baitute. Era berean , nabarmentzekoa da lau entitate berrik bat egin dutela egitasmoarekin. Rober Gutierrez Ziurtagiriaren banaketa ekitaldiaren aurretik, Ziurtagiriaren Elkarteko zuzendariak Bai Euskarari Ziurtagiria jaso zuten entitateak zoriondu ondoren, norabide berean “urrats biziak” ematen jarraitzera animatu ditu udaletxean bildu diren guztiak. Jarraian, euskaraz bizitzeko hautua egiten dutenei horretarako aukerak eta erraztazunak eman behar zaizkiela azpimarratu du. “euskaraz lan egin nahi duten enpresa eta pertsonei bidea eman behar zaie eta euskaraz erosi nahi dugunoi erraztasunak eman behar zaizkigu. Nola egin daiteke hori? Eredu egokiak eskainiz, lege ausart eta egokien bitartez, epeak ezarriz, diru inbertsioak eginez eta diruz lagunduz urrats biziak eman nahi dituzten entitate, enpresa eta era guztietako establezimenduak. “zentzu horretan -jarraitu du Gutierrezek- eskertzekoa da Laudioko Udalak azaltzen duen jarrera”