Laudioko Udalak adjudikaturiko enpresak, urtea bukatu baino lehen, Luiaondotik gertu dagoen Altuiko auzora ur edangarria kanalizatzeko lanei ekingo dio. A-625 errepidearen ondoan dagoen auzo horretara, orain arte iturburuetatik ateratako ura iristen zitzaien.
2014ko otsailean bukatuko diren lanek 47.650 euroko kostua izango dute. Bestalde, lanek burutu ahal izateko Udalak baimena eskatu behar izan dio Arabako Foru Aldundiari, ur hodien ibilgua errepidearen ondotik joango baita.
Laudioko Udalak adjudikaturiko enpresak, urtea bukatu baino lehen, Luiaondotik gertu dagoen Altuiko auzora ur edangarria kanalizatzeko lanei ekingo dio. A-625 errepidearen ondoan dagoen auzo horretara, orain arte iturburuetatik ateratako ura iristen zitzaien.
2014ko otsailean bukatuko diren lanek 47.650 euroko kostua izango dute. Bestalde, lanek burutu ahal izateko Udalak baimena eskatu behar izan dio Arabako Foru Aldundiari, ur hodien ibilgua errepidearen ondotik joango baita.
Beste alde batetik, Udalak ere aurrera urratsak eman ditu Santa Luziara ur edangarria bideratzeko proiektuarekin. Koldo Zabala herrilan arduradunak adierazi duenez bi ziren hasiera batean proiektu hau ahalbidetzeko aukerak: Dubirisetik ura ponpatzea edo Santa Luziako biztanleek edaten zuten iturburuetako ura purifikatzeko azpiegiturak eraikitzea.
Bigarren aukerak kostu altuegiak zituela eta, gainera kontuan harturik ez zuela ur horniketa egonkor bat bermatzen urte guztian zehar, Dubirisetik ponpatzea erabaki zuten azkenean. Uraren horniketaren bermatze horrek Santa Luzia inguruetako baserriak egonkorki bertan bizitzeko modukoak izatea ekarriko luke.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
