Mundubat eta RASD elkarteek emakume palestinarrei buruzko hitzaldia antolatu dute. Hizlaria Khitam Sa'afin izango da, Emakume Palestinarren Komiteen Batasuneko lehendakaria.
Erakunde honek, gizon eta emakumeen arteko berdintasuna lortzeko bidean, emakumeen jabekuntzaren alde lan egiten du, baita horien eskubideak bermatu eta haien alde legeak alda daitezen ere. Honetaz gain, erakunde hori Israelen okupazio ilegalaren aurka lan egiten duen nazio mugimenduaren parte da eta elkarlanean ari da globalizazioaren eta militarizazioaren aurkako nazioarteko mugimendu aurrerakoiarekin. 1980an sortu zen eta bi helburu nagusi ditu: emakume palestinarren jendarte kontzientziazioa eta horien bizitza aldatu eta hobetzea, ikuspegi progresista batetik.
Khitam Sa'afin hainbat alditan egon da estatu espainiarrean, Palestinako egoera eta hango emakumeen aldarrikapenak ezagutarazteko.
Hitzaldia azaroaren 13an izango da, arratsaldeko 7etan, udaletxeko erabilera anitzeko gelan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
