2011n hasi zen Laudioko Tokiko Garapen Agentzia enpresen egoeraren inguruko analisiarekin. 2013ra arte luzatu da, bi helburu nagusirekin: lanpostuen sorreran eta hazkuntza iraunkorrean laguntza ematea. Ikerketa horretatik, 2013-2015 bitarte aplikatzeko plana garatu du.
Planaren oinarrizko aspektua eraikuntzan zeharkako beharra identifikatzea izan da. Izan ere, horren arabera, enpresa askok kalitate neurriak betez inguruarekiko konpromisoarekin lan egin arren, ez dute konpromiso hori ikusteko gaitasunik. Gainera, oinarrizko irizpideak zein enpresak betetzen duen jakiteko interes handia dagoela ikusten da. Zentzu horretan, urte hasieran eztabaida foroa antolatu zen, kolaborazio publiko-pribatuan oinarritua, ingurugiroarekiko errespetua duten enpresei ikusgarritasuna eta aitorpena emate aldera.
Enpresa horiek identifikatzeko marka baten premia ikusi eta gero sortu zen Laudio Eginbidea. Proiektura atxikitutako enpresek –guztira 16- baldintza jakin batzuk bete beharko dituzte. Hori hala dela ziurtatzeko, Garapen Agentziak urtero ikuskaritza lanak egingo ditu. Horretarako bezero misteriotsua nahiz bezeroei egindako inkestak baliatuko dira. Gainera, Agentziak enpresen esku utziko duen enpresa-maparen bidez jarduera desberdinak identifikatu eta kontratazioa eta garapen iraunkorra sustatuko dira, hala nola hobetu beharrekoak identifikatu.
Baldintzak betetzeaz aparte, enpresek, aipatutako ikusgarritasunarekin batera, laguntza jasotzeko aukera izango dute. Hala, lehiakorrak izate aldera eta hazkuntza ekonomiko-sozialean aurrera egin ahal izateko, Garapen Agentziatik laguntza eskainiko zaie, aholkularitza edota formakuntza bidez.