Jabego pribatukoa izan arren erabilpen publikoa du Latiorroko Untzueta Plazak. Hori dela eta, bertan egindako mantentze lanen kostua bere gain hartzea eskatu zioten auzokideek Udalari. Udalak ez onartu eta jabeek Arartekoarengana eraman zuten kasua.
Arartekoak ebazpena atera du orain Udalari jabeek duten konpentsazioa jasotzeko eskubidea aitortzea gomendatuz. Udalak bere gain hartu beharreko gastuak plazaren azalari dagozkionak direla esan du Aratekoak, azpiko parteari dagozkionak jabeen onurako bakarrik baitira. Hemen irakurri daiteke Arartekoaren ebazpen osoa.
Koldo Zabala Laudioko zinegotziak adierazi duenez, Laudioko Udalak gai honen inguruan erantzuna bidaliko dio Ararekoari eta bere arrazoiak azalduko dizkio, ez baitaude ados erabakiarekin.
Gogoratu du Arartekoaren erabakiak ez direla lotesle eta 1990 urtetik jarrera bera izan duela Udalak. Auzokideekin elkarlanean jarraitzeko asmoa agertu eta Udalak Untzuetako plazako eskaileren konponketak bere gain hartu zituela azaldu du.
Zabalak adierazi duenez, jabetza publikoa eta pribatuaren arteko gatazka hauek ez dira Laudion bakarrik ematen, bere iritziz erakunde orokorrago batek jarraibideak zehaztu beharko lituzke.