2010/06/12 20:30
Governors taldea Arrasatekoa da eta Juan Sangre da proiektuaren bultzatzaile eta gidari. Fjord taldearen errautsetatik sortutako ekimena dela esan daiteke. J. Sangrek urte asko daramatza musikaren munduan; bere bi talderik ezagun eta ospetsuenak Ekon eta Fjord taldeak izan dira, biak gailurrean ibilitakoak. Eskarmentua handikoa da eta bere proiektu berri honek gora egiteko bitarteko handiak dituela azpimarratzen dute behin eta berriz adituek.
Oihuka diskoetxeak Frenetikodrome izenburua daraman bigarren diskoa aurkeztu digu oraintsu.
10 kantu berri eta indartsu gehi extra bat, Kristal Kolpatuak, audioan zein bideoan.
Bideo hau Hatortxurock jaialdia aurkezteko erabili zuten, eta azken euskal zinema eta bideo jaialdiko irabazle izendatu izan zen.
Aste honetan, aiaraldean izango da taldea. Laudioko gaztetxean hain zuzen. Rock'nrollez beteriko diskoa aurkeztera datoz eta sarrera doakoa izango da. Gainera, Governorsekin batera Deustuko HOTSAK HEZURRETAN taldea ere izango da taula gainean. 2008an abiaturiko taldea bera KULTURA TOURekin dator arabaldera.
Beraz, aiaraldeko rock zaleok, larunbat honetan gaueko22:30etik aurrera, zita bat duzue Lamuza parkean! Ez galdu!
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.