2010/07/06 17:00

Udaletxeko Hitzaldi Aretoa Laudio

Udalbiltza auziaren inguruko hitzaldia

Laudioko Udalbiltzaren Babes Taldeak antolatuta, gaur 19:00etan Udaletxeko hitzaldi aretoan hitzaldia eskainiko da.  Udalbiltzaren sorrera eta ibilbidea gogora ekarriko duen 10 minutuko bideoa eskaini ostean Eider Casanova Barakaldoko zinegotzi ohi eta auzipetuak hitzaldia eskainiko du Udalbiltzaren jarduna eta auziaren inguruan.

Izan ere, uztailaren 15ean hasiko da 22 hautetsiren aurkako auzia. Estatuko fiskaltzak 10na urteko espetxe zigorra eskatu duen bitartean "Dignidad y justicia" akusazio partikularrak 14na urtekoa eskatzen du. Jada eragile eta erakunde ezberdinek beraien elkartasun eta  babesa agertu diete auziperatuei eta Udalbiltza erakundeari (EHUko irakasle, idazle, kirolari, udal ezberdinak...). Laudion ere elkartasuna eskaintzeko aukera egongo da gaur.

Uztailaren 17an manifestazio nazionala dago deitua Bilbon.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa