2014/06/20 17:00
Krisiaren izenpean estaltzen duten lapurreta honek gogor kolpatzen gaitu gazteok. 2007 aurretik ere prekarietate gordina bizi genuen, krisia sistemikoa baita, kontrakoa sinestarazi nahi izan diguten moduan. Azken urteetan baina, Espainiako eta Frantziako gobernuak zein euren sukurtsal diren Eusko Jaurlaritza eta Nafarroako Gobernua egiten ari diren eskubideen murrizketak arnasik gabe uzteraino estutzen ari zaizkigu lepoa. Gazteon langabeziak nabarmen gora egiteaz gain – 23 puntu baino gehiago 2007tik- gure lan baldintzak ere nabarmen okertzen ari dira. Besteak beste, patronalaren aginduei men eginez, kaleratzeak erraztuz, negoziaketa kolektiboa pikutara bidaliz eta lan kontratu mota prekarioetan sakonduz. Guzti honek gazte, emakume eta etorkinok oso ongi ezagutzen dugun lan merkatu beltzera bultzatzen gaitu gero eta gehiago. Eskubide gabeko subjektu bilakatu nahi gaituzte boterean dauden politikari ustelek, eurek ustelkeriaren eta esklabutzaren bidez aberasten ari diren bitartean.
Hezkuntzari dagokionez, jakintza, herriak dituen beharrak asetu eta proiektu sozialak garatzeko baliatu ordez, enpresa kapitalisten mesedera egokitu da. Horrek, proiektu berrien sorrera, garapen eta autogestioari begira arazo larriak ekarri ditu; besteen aginduen menpe lan egiten soilik dakien gazte belaunaldia hezi da.
Hezkuntza elitizatzen eta negozio bilakatzen ari da. Ikasleak lana eta ikasketak konbinatzeko gero eta zailtasun gehiago izaten ari diren bitartean, bekak lortzeko baldintzak gogortu eta tasak igo dira. Urtero 8000 gaztek alde egiten dute. Asko ez dira itzultzen.
Horren aurrean eskualdeko eta euskal herriko gazteok bi irtenbide ditugu; sistema kapitalista patriarkalaren mesedetan ahoa estali eta sasi irtenbide indibidualak bilatu edota gure egoeraren errudunei hortzak erakutsi eta antolakuntza eta borrokaren bitartez etorkizun duin bat irabazi.
Bigarren aukeraren alde egiten dugunok beste urrats bat ematera goaz eta ekainaren 20an loa kenduko dien gazte frontea kalera aterako gara, gure egoeraren erantzulei aurre egiteko eta gazteon borroka grinean eta gauzak aldetzeko gaitasunean berresteko.
Irabaztera goaz eta ez dago enpresari, banketxe, politikari putre edota poliziarik geldituko gaituenik!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.