Erroke Deunaren kofradiak etzi hasiko diren Laudioko San Roke jaietarako aurreikusiak dituen ekintzen berri eman du.
Lehen ekitaldia ostiralean izango da, abuztuak 16. Meza egongo da lehenbizi, elizan. 13:00etan ekitaldi instituzionala egongo da. 50 urte edo gehiago dituzten kofradia kideei diplomak eta urrezko bereizgarriak emango zaizkie bertan.
Horiek ez dira banatuko diren oroigarri bakarrak izango. Jarraian omenezko pitxerrak banatuko baitzaizkie kofradia komisioan hautatutako laudiarrei. Beste pitxer bat pregoilariari ematea dago aurreikusita, baina Gazteizko epaitegi Pablo Gorostiagaren jarritako debekuaren ostean ikusteko dago zer egingo duten kofradiako kideek. Ekitaldia luntx batekin bukatuko da.
Hurrengo egunean, abuztuak 17, Antonio Aldama margolari laudiarra izango da protagonista. Bere oleoen erakusketa inaguratuko baitute, “Laudio oroitzen” izena izango duena. Abuztuaren 24an, odoloste eguna izanik, berau ospatuko dute, “ohiko lekuan”.
Hurrengo egunean, aldiz, San Rokeren eskultura ermitara igoko dute, eta meza egingo dute gero, bertan. Meza ostean, Santa Luzia abesbatzak emanaldia eskainiko du. Anaitasun bazkaria egingo dute gero, elizako arkupeetan. Bazkalostean, dantzari eta txitulariak arituko dira.