Herri mailako asanblada bat egingo da datorren asteko astelehenean, uztailak 8, Laudion. Lamuza Parkeko Pergolan egingo da batzarra, arratsaldeko 19:00etan, "Laudio berpiztera goaz" lemapean.
Asanblada guztiz irekia izango da, herriko norbanako zein eragileei zuzendua. Batzarraren puntuetako bat Aiaraldea mailan abian jarri nahi den gazte proiektu komunikatiboa izango da. Hortaz gain, Laudioko egoeraren inguruko hausnarketa bat egingo da eta herriko errealitatean modu bateratuan nola eragin bilatuko da, antolatzaileen aburuz. Laudioko Gazte Asanbladak eta Orbeko Etxeak hartuko dute parte, besteak beste, asanbladan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
