Abian da Made In Laudio ikuskizunaren laugarren edizioan izena emateko epea. Parte hartu nahi duen eragile, talde zein norbanako orok ekainaren 30rarte du epea bideo edota agerraldi baterako ideia bat pentsatu eta madeinlaudio@gmail.com helbidera e-mail bat bidaltzeko, zuzendariaren edo taldearen izena jarriz kontakturako telefono zenbaki batekin batera. Hasierako ideia hori garatzeko, baina, hilabete bat izango dute parte hartzaileek; uztailaren 31an baita egindako bideo zein agerraldien gidoiak entregatzeko azken data.
Oinarriak http://www.madeinlaudio.com/ webgunean daude zehaztuak.
Made In Laudio 2010ean abian jarri zen ikuskizuna da, bertan parte hartu nahi duten laudiar guztiei zabalik dagoena. Herriko Plazan egiten da eta parte hartzaileek iginiko bideo zein taularatzeak izaten ditu ardatz. Aurtengo edizioa abuztuaren 17an ospatuko da, larunbata, San Rokezar Egunean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide