>ORTHODOX
Aurkezpen handirik beharko ez lukeen taldea dugu. Sevillan 2004ean sortuak, estatuko lehendabiziko Doom Metal belaunaldian. Hirukote gisa argitaratu zituzten euren estreineko "Gran Poder", "Amanecer en Puerta Oscura", "Sentencia" eta "Baal" diskoak, Alone Records eta Southern Lord-en zigilupean. Garai honetan Frantziako Hellfest-en, Birminghameko Supersonic-en edota Primavera Sound-en jo izan zuten.
"Doom" edota "metal" etiketak nabarmenki motz geratzen zaizkie, askoz haratago baitoaz. Ornette Coleman, Ligeti, edota Manowarren jarraitzaile sutsuak, ez da batere arraroa eurentzat free jazz-a, andaluziar folklorea eta esperimentazioa uztartzea euren proposamenean.
Euren seigarren erreferentzia diskografikoa den "Axis"-ekin datoz, oraingo honetan Borja Díazek (bateria) eta Marco Serratok (baxua ta ahotsa) osaturiko bikoan birsortuak. Iaz High On Fire-ekin biran eta aurten Gasteizko Cosmic Fest jaialdian egon eta gero, Euskal Herrira datoz beste behin ere.
https://orthodoxband.bandcamp.com
>DÍAZ/SERRATO/TEJERO/WEBSTER QUARTET
Orthodox biran egon ziren Ingalaterran iazko irailean Dead Neanderthals holandarrekin. Beno, ba Colin Webster (saxo tenore ta baritonoa) eta Ricardo Tejerorekin (saxo altua) egun batez Londreseko estudio batean elkartu eta 8 free-jazz pieza latz grabatu zituzten. Hemen entzungai:
https://rawtonkrecords.bandcamp.com/album/spain-is-the-place
>MARESTI
Triames haundiaren alter ego esperimentala. Tresna akustikoen bitartez soinu elektronikoen bilaketa eta esplorazioa. Gong drone!
http://maresti.bandcamp.com/releases
_________________________________________________
_________________________________________________
Orbeko Etxea, Katuxa Ibarra zenbaki gabe. Laudio, Ipar Araba
Ekainak 1, asteazkena. 20:00tan, Satán.
5 euro ziztrin.