Egilea: Toño Valles
Euskararen Jaiaren 11. edizio honetan aldaketak egon dira betiko egitarauan. Garrantzitsuena, Ekitaldi nagusiarena, Euskararen Alkatearen aldaketa; aurten jaialdiari nortasunik handiena ematen dion ekitaldia Urrezko Makilaren hautaketa izan da. Bertan, eta urte osoan zehar euskararen normalizazioaren alde egindako lanagatik, erakunde edota talde bat hautatu egin da eta urrezko makila urte batean edukitzeko konpromisoa hartu du, datorren edizioan beste talde/erakunde bati pasatuko diona.
Beste moldaketa bat egun bakarrean ospatu beharrean 3 egunetara pasatzea izan da: ostiraleko arratsaldean, umeentzako tailerrak (5 guztira) eta Diskodantza eta igandeko goizean Mendi Martxa Santa Luziara; bertan egiten ari diren indusketen berri izan genuen.
Ekitaldi guztiak arrakastatsuak izan dira publikoaren aldetik, baina bat azpimarratzekotan bazkaria aipatuko genuke (530 bazkari inguru eskaini dira) eta eskerrak ematea bolondres gisa aritu diren tabernei.
Jaiaren prestaketaren aldetik herriko eskolen parte hartzea eskertu nahiko genuke bere aportazioengatik eta gogoagatik.
Amaitzeko eta datorren urteko Euskaren Jaiaren prestakuntzarekin lotuta, gaztez osatutako taldeei eskatuko genieke prestaketa lanetan parte hartzea, programazioan beren ideiak garatzeko eta ez bakarrik programatuta dauden ekitaldietara joatea. Gazte taldeak behar ditugu Euskararen Jaia etorkizunean ospatzeko.